Joan Baez, la cjantautore americane simbul di Woodstock e regjine dal folk, e à anunziât che si ritirarà des senis ae fin dal an, ma no prime di vê realizât un gnûf album publicât ai 2 di Març cul titul Whistle down the wind.
La direzion di chest album e je compagne dal fat che il 2018 al sarà il gno ultin an di tour uficiâi – e à contât la folk singer intune interviste a Rolling Stone – e jere la sensazion che e fos rivade la ore di cjapâ cheste decision. Cuant che e à scomençât a selezionâ la musiche pal so gnûf disc la Baez si è cjatade a meti dongje i tocs cun emozions specifichis che le àn compagnade intant che e madresseve la sielte di lassâ lis senis. Il risultât al è un album produsût di Joe Henry che al è un riflès comovent e une sintesi de vite de Baez come cjantante, musiciste e ativiste. Whistle down the wind al à tocs inedits e cover firmadis tra altris di Tom Waits, Mary Chapin Carpenter, Anohni e Josh Ritter.