Lune Troublante al è un tercet o cuartet di musiche jazz/swing o jazz/manouche componût di musiciscj che a vegnin di diviersis realtâts musicâls, cun in comun la passion musicâl pal swing francês dai agns Cuarante.
Il tercet o cuartet si fonde cui classics de tradizion gipsy-jazz, gjenar musicâl nassût tai agns Quarante a Parîs par man dal ghitarist zingar Django Reinhardt e dal violinist Stephan Grappelli tal grup Quintetto du Hot Club de France, che insiemi a meterin dongje il jazz-swing american cu la musiche popolâr francese.
La musiche duncje e je ferbinte e complesse, siore di ritmi e abilitâts improvisadis. E il repertori dai Lune Troublante al va libar pai classics dal jazz/manouche (lis composizions di Django Reinhardt, i valzer/mousette francês de epoche) e i standard dal jazz american (Duke Ellington, Gershwin, Porter, e v.i.).
Il spetacul al vûl jessi un omaç in musiche al grant ghitaris Django Reinhardt, mostrant la sô cariere ancje cun storiis e contis de sô vite che a metin intun moment storic particolâr lis sôs composizions.
Intai agns i Lune Troublante a àn disvilupât ancje un repertori origjinâl che al met insiemi la tradizion gipsy cuntune elaborazion plui moderne de grande varietât ritmiche, melodiche e cun tescj par talian. Il grup si diferenzie ancje pal ûs di struments che a somein par fature e tipologjie ai struments origjinâi de epoche, in particolâr aes grandis ghitaris Selmer/Maccaferri.
Formazion:
Matteo Sgobino – vôs e ghitare;
Didier Ortolan – clarinet e sax;
Sebastiano Frattini – violin;
Alessandro Turchet – cuintribàs.