Une opare che e mancjave tal panorame dai saçs tematics in Friûl, fin dal inizi de demo-etno antropologjie tai agns Setante. Un libri che al è bon di veicolâ informazions e sugjestions ai specialiscj, ma ancje al public plui ampli dai curiôs e dai apassionâts pal ricors a un regjistri ilustratîf inmagant e facil di capî lontan dai schematisims simpri plui dispès fats par un grop limitât di personis, che a taponin la incapacitât di meti dongje la profonditât dai contignûts cu la art dificile de divulgazion.
