Un viaç inte siore tradizion musicâl dai Sefarditis che, parâts vie de Penisule iberiche inte Ete di Mieç, a àn puartât i lôr cjants antîcs traviers il Mediterani, contaminant lis lôr storiis cun melodiis andalusis e balcanichis, cun sonoritâts turchis e cui ritmis araps. Sepharad al è un spetacul di danze, musiche e poesie; musiche des diviersis tradizions di ogni paîs, de Andalusie fin al Medi Orient, intun cressint di emozions. A rivin a Folkest midiant des selezions dal concors Sunâ@Folkest.
Formazion: Namritha Nori – vôs; Giulio Gavardi – ghitare, saz turc, oud arap, sax sopran; Niccolò Giuliani – darbuka, cajon, tambûrs a curnîs, efiets; Silvia Cagnazzo – danzis.
