TERESA DE SIO

Teresa De Sio – Campania

Capodistria – Piazza Carpaccio – Vinars ai 21 di Lui, 21.30 

Libare, indipendente, inovadore e sperimentadore. I siei albums di fat, ancje chei cu lis majors, ju à decidûts simpri bessole, volûts cun fuarce e autoprodots. Dal 2004 ju à publicâts ancje sot la proprie etichete indipendente, la C.O.R.E., fondade tai prins agns 2000, gjavantsi dai contrats des multinazionâls, in cambi de garanzie di une libertât artistiche assolude. E compon, e rangje e e je jê a decidi cuant publicâ e cualis cjançons che a saran, ce grafiche doprâ, cualis fotos e cualis lis ativitâts par puartâlis ae cognossince dal public. E ame presentâsi tant che “une folksinger sì, ma di autôr, afermant che la musiche folk e je il rock dal popul. Cul folk si impare a rispietâ i oms e lis feminis dal nestri mont, a ricognossi il passât e, in graciis di chel, cjalâ al avignî. …I miei mestris a jerin e a restaran Matteo Salvatore, Domenico Modugno, i Cantori di Carpino, musiciscj che a vivin la musiche tant che un sprolungjament de proprie esistence, paladins de tradizion orâl”. Al rive cumò chest omaç sincîr a Pino Daniele, riferiment essenziâl de sene musicâl napoletane.

September 2011, Milan: Singer Teresa De Sio