Nassude a Biella, e tache il studi de ghitare finger-picking e de arpe celtiche, passant un periodi a Galway, te Irlande dal Ovest, par aprofondî il studi de tradizion musicâl. E colabore cun diviers grups di musiche irlandese, partecipant aes realizazions di tancj lavôrs discografics, dedicantsi dopo in particolâr ae sô cariere di soliste. Dopo doi lavôrs che a contegnin tocs tradizionâi e classics folk dai agns Sessante, e à publicât intal 2015 il so prin disc cun dentri tocs di sô composizion. E rive a Folkest midiant des selezions dal concors Sunâ@Folkest.
Formazion: Valeria Caucino – vôs e ghitare; Emanuele Motta – bas eletric; Francesco Di Vincentis – ghitare eletriche e pedal steel guitar; Dario Retegno – violin; Francesco Fuselli – batarie; Chiara Fusetti – tastieris.
