Canusia e T’ses Folk a Cueste di Cjastelnûf
Aes 21.15 di domenie a Vile Sulis (Cueste di Cjistielgnûf dal Friûl) a ’’sunin doi grups talians, i laziâi Canusia, che a àn sielt un repertori cetant leât al teritori di origjin, e la band piemontese T’ses Folk: ancje in chest câs al ven fûr di plui un repertori popolâr, divertent e une vore balabil di origjin franc provençâl cun incursions te musiche balcaniche, mediorientâl, finlandese e arturiane.
CUESTE (Cjastelnûf)
Vile Sulis e je une cjase signorîl dal XVI secul a Cjastelnûf in localitât Cueste, une vore danezade dal taramot dal 1976 e tornade come prime dopo che e je stade comprade e restaurade de Aministrazion comunâl. Cumò e je doprade tant che centri culturâl e e ospite mostris, cunvignis e concierts. Tal ultin plan de vile e je in mostre une racuelte archeologjiche ’su la ceramiche rinassimentâl, costituide di reperts cjatâts ’sul teritori comunâl e, in particolâr in localitât Crûz, e a son datâts tor dal 1500.
