Cristiana Verardo – Pyrates a Romans dal Lusinc
Domenie al 1 di Lui Folkest al va a Romans dal Lusinç a Cjase Candussi Pasiani: aes 21.15 inmò spazi al grup anglo olandês dai Pyrates precedûts ’’sul palc de artiste Cristiana Verardo. Ghitariste e cjantautore classe 1990, Cristiana Verardo e je plurilaureade in cjant e musiche oltri che autore di tocs pop di ’’sucès e vincidore di tancj concors.
ROMANS DAL LUSINÇ
Comun dal Friûl orientâl in Provincie di Gurize, logât ’su la confluence di trê cors di aghe: Vierse, Judri e Tor. Il so teritori al cjape dentri ancje lis frazions Vierse e Frate. Lis primis testemoneancis di un insediament fortificât (cjastelîr) a son di epoche protostoriche. A son di epoche romane diviers insediaments di gjenar rurâl, intant che impuartante e je la presince langobarde, testemoneade di une necropoli tra chês plui grandis dal Nord Italie. Al è pussibil visitâ il Civic Museu Archeologjic di Romans e il Parc didatic archeologjic ’su la necropoli langobarde. A Romans, intal mês di Mai si ten une manifestazion rievocative (Romans langobardorum). Si ricuarde ancje la Fiere di Sante Elisabete, la tradizionâl “Sagre dal dindiat”, cu la singolâr gare di pesadure dai dindis zigants in place, e il Carnevâl di Romans cu la sfilade dai cjars e dai grups in mascare.
