Vinars ai 29 di Jugn, a Poç (S. Zorç de Richinvelde) in Place S. Urbano a ’’sunaran doi grups talians, i Fran & The Groovies – o ben Francesca Garavelli, in art Fran, e i siei Groovies (Francesca Soliveri e Stefano Conti) – che a proponin un stîl Folk Pop acustic par inglês, e i Allegra gente, grup che al à lis sôs lidrîs te plui vere tradizion taliane, cuntune atenzion particolâr al cjantautorât contaminât cun ’’suns e ritmis dal Sud Americhe, cuasi a cirî continuitât tra tarantelle e samba.

Poç (S. Zorç de Richinvelde)

Poç ’tal è une frazion dal comun di S. Zorç de Richinvelde, comun dissegnât dal flum Tiliment a est e de Midune a Ovest che insiemi a crein un teritori naturâl e pûr. Il Comun al ospite un dai lûcs sacris plui impuartants dal Friûl, “la Richinvelde” dulà che apont ’tal è stât sassinât chel che al jere il patriarcje Beltram di Aquilee. La frazion di Poç e ospite il museu de civiltât contadine, cuntune colezion inedite di imprescj antîcs, tipics de comunitât rurâl. Il comun ’tal è cognossût tant che teritori des “Lidrîs dal Vin” apont pe produzion di rasiçs ma ancje di vin. Di fat, chi a son tantis aziendis agriculis e cantinis che a podaran ufrî cercis e bon acet.