Simpri miercus a Çumpite di Reane il grup talian Gli Archimedi, une formazion di cjamare cu la utopie de improvisazion, che si môf midiant gjenars e stîi musicâi diferents, de classiche al folk passant pal jazz, la musiche antighe e altris gjenars inmò. Andrea Bertino al violin, Luca Panicciari al violoncel e Giorgio Boffa al cuintribàs.

ÇUMPITE (Reane)

Il comun al da ’su lis Prealps Carnichis e Juliis delimitât dal flum Tor a est e ’tal è formât di vot nuclis abitâts: Reane, Cuals, Çumpite, Cortâl, Vergnà, Val, Remugnan (sede municipâl), Ribis, Riçûl. La frazion di Çumpite e je nomenade pe prime volte tai documents tal 1278. Il so non al ven forsit dal sclâf čop (baraç) e dal ’sufìs diminutîf furlan -ite. Monuments interessants dal paîs a son la glesie parochiâl e la gleseute votive di S.Agnês, che e je te campagne. Particolârs impuartants a son ancje la Roste Feracine, un rinfuarç dal arzin dal flum Tor de epoche de dominazion veneziane, e lis presis di aghe des Rois di Udin e di Palme. Di viodi, par chel che al inten l’aspiet dal paisaç e chel naturalistic, i prâts stabii di S.Agnês pe varietât botaniche.