Il comun a si cjate a 426 m s.l.m. inte alte Val Tramontine, dentri dal parc naturâl da lis Dolomitis Furlanis lunc la Strade statâl 552 dal Pas dal Rest. Circondât da lis Prealps Cargnelis sud-orientâls (Cjedene, Chiarescons, Cornaget e Resettum), intes vals laterâs dal teritori a son presints i lâts artificiai Ca’ Zul e di Ca’ Selva oltri che un puest di grant interes naturalistic, lis Poçis Smeraldinis, formadis dal torint Meduna.
Intal 1976 il comun al fò devastât dal taramot dal Friûl, che al fò un grum di dams. In paîs a è ancje une glesie evangeliche valdese.
