TOMAT BAND – Saturday Night with Elton
TOMAT BAND – Italie
SATURDAY NIGHT WITH ELTON
Omaç a Elton John
Saturday Night with Elton ’tal è un progjet musicâl di Davide De Lucia, Flavio Paludetti, Andrea Del Favero e Cristian Cecchetto e al nas come omaç ae figure dal cjantant e musicist inglês sir Elton John. Chest progjet ’tal è proponût intant che ’tal è daûr a lâ indevant il Farewell Yellow Brick Road, l’ultin grant tour mondiâl di Elton John (dal 2018 al 2021 cun plui di 300 concierts) e a un pâr di mês de jes’sude dal film Rocketman che i è stât dedicât.
Chest lavôr, dopo chei dedicâts a Sting e Carole King, al viôt a lâ indevant tai agns la colaborazion tra Folkest e la Associazion Musicâl Tomat di Spilimberc e al sarà presentât pe prime volte in place dal Domo a Spilimberc ai 6 di Lui dal 2019, dilunc des ultimis seradis di Folkest. L’artist nol à bi’sugne di presentazions, cul so talent e cul so straordenari temperament ’tal è stât un dai plui grancj interpretis de storie dal pop e dal rock: une icone de musiche e de mode che al à influençât une gjenerazion di artiscj.
Il lavôr proponût al à come obietîf la rileture di une part dai tancj tocs scrits di Elton John tal periodi forsit plui impuartant de sô cariere musicâl, vâl a dî tai agns Setante e tai prins agns Otante, e al vûl meti in evidence la straordenarie capacitât melodiche dal artist inglês. Si podaran duncje scoltâ oparis mestris come Your Song, Candle in the wind, Don’t let the ’sun go down on me e tancj altris rivisitâts de Tomat Band intune rileture che e rispiete une vore i origjinâi.
La formazion che e propon chest progjet, la Tomat Band, che e veve za vût ’sucès tai concierts di Folkest dal 2017 e dal 2018, dulà che e à presentât la rielaborazion dal disc Tapestry di Carole King e il progjet Twenty for twenty dedicât a Sting, e je formade di musiciscj professioniscj cun cetancj agns di esperience dal vîf e in studi: la jazziste e cjantante soul veneziane Francesca Viaro ae vôs, il bluesman Flavio Paludetti ae ghitare eletriche, il jazzist furlan Nevio Zaninotto al saxofon sopran, Cristian Cecchetto ae batarie e Davide De Lucia al piano e aes tastieris. Cun a son ancje doi musiciscj zovins di talent come Eugenio Dreas al bas eletric e Jacopo Russo ae ghitare acustiche.
Lis cjançons a son stadis sieltis tra lis plui impuartantis e famosis dai agns Setante e Otante e dai albums: Elton John, Madman Across the Water, Honky Château, Don’t Shoot Me I’m Only the Piano Player, Goodbye Yellow Brick Road, Caribou, Capitan Fantastic and the Brown Dirty Cowboy, Blue Moves, Too Low for Zero cirint di rapresentâ te maniere plui significative e coerente ognidun di chescj.
Formazion:
Francesca Viaro – vôs;
Flavio Paludetti – ghitare eletriche;
Nevio Zaninotto – saxofon sopran;
Cristian Cecchetto – batarie;
Davide De Lucia – piano e tastieris;
Eugenio Dreas – bas eletric;
Jacopo Russo – ghitare acustiche.
CONCERTI FOLKEST 2019
-
- Spilimbergo – piazza Duomo, Sabato 6 luglio, ore 22.30, Ingresso gratuito.