Ashcroft, Stewart Hardy and Frank McLaughlin - Cjassà - Folkest

Joibe 28 a Cjassà, al Auditorium Luigi Garzoni (aes 21.15) dôs presincis artistichis de Scozie: i Ashcroft, formât di doi vêrs talents (Euan e Lewis McLaughlin), vuê une des formazions plui interessantis de gnove sene musicâl scozese, e il doi Stewart Hardy & Frank McLaughlin, doi soliscj aromai afermâts a nivel internazionâl che a proponin une musiche che e à fonde tes espressions tradizionâls dal Northumbrie e de Scozie: a Folkest a presentin il lôr gnûf album “The Gift”.

[button color=”#7d1d18″ background=”#fbd89c” size=”medium” src=”#”]ATENT: il conciert si faserà in te Auditorium “Luigi Garzoni”[/button]

[message_box title=”Ashcroft, Stewart Hardy & Frank McLaughlin” color=”yellow”]

Lûc dal conciert: Cassacco, Auditorium Luigi Garzoni [Rivà]
Zornade: 28/06/2018
Artist: Ashcroft
Paîs: Scozie
Artist: Stewart Hardy & Frank McLaughlin
Paîs: Scozie
Inizi dal conciert: 21.15
Ientrade: a gratis
[/message_box]

CJASSA’

La posizion gjeografiche e orografiche di Cjassà e à vude une part impuartante inte localizazion dai antîcs insediaments abitatîfs. Pôc distant e passave la vie consolâr Julia che e rapresentave un dai as di racuardi plui impuartants tra l’Adriatic e la Danau centrâl. Il cjistiel di Cjassà al jere un fuartin che al completave il sisteme difensîf de planure, e in dute la sô storie nol à patît assedis e nancje distruzions. Al è caraterizât di dôs tors massicis unidis di un cuarp centrâl bas; chi si rive par une piçule e sugjestive strade di rive sù, dulà che insom si viôt la Glesie de Assunte, esterne al perimetri dal Cjistiel. Un altri edifici di particolâr rilêf al è rapresentât de Vile Gallici Deciani, costruide a cjaval dai secui XVII-XVIII. Al è un palaç dominicâl, cun scjalon centrâl a balustradis e une forestarie, che al finìs cuntune piçule tor cun capele, une piçule barcjesse e cualchi rustic. Dopo dal taramot dal 1976 si è disvilupade la ativitât produtive e comerciâl, ancje midiant de riconversion di struturis industriâls.