DOMENIE AI 8 di LUI – SPILIMBERC

Tor Orientâl  
18.00 Alberto Geatti – Non sei mai stata mia, ti sei solo seduta accanto
19.30 Claudio Trotta – No pasta no show – I miei 40 agns di musiche dal vîf in Italie

Place Garibaldi
21.15 Carantan Friûl
22.30 Alzamantes Lombardie

Place Domo
21.15 Franco Giordani Friûl
22.00 Irdorath Bielorussie

Program Folkest a Spilimberc

→ TOR ORIENTÂL

18.00 Alberto Geatti – Non sei mai stata mia, ti sei solo seduta accanto

Ilustrazions e poesiis di Alberto Geatti
…Tiziana: jê e sarès stade devant dai nestris voi tes peraulis e tai dissens di Alberto, e e je ancje vuê par ducj chei che a cognossin lui e lis sôs composizions. E fo di fat la creativitât a dâ forme al so sintî e al nestri percors, cence savê che il pont finâl al sarès stât chest libri… Il timp dal corot ’tal è un timp dolorôs e complès; e pûr al pues jessi une grande oportunitât: di confront cun se stes e cu lis propriis emozions, ma ancje di evoluzion e di cambiament. Al è un timp taponât… Trasformazion, evoluzion, pussibilitât e creativitât te art come te vite, ancje passant un timp di do fuart, a somein sclopâ tal dissen in cuarte di cuviertine: une lavagne cuntun sfuei blanc. E je simpri une pagjine che si pues scrivi te vite.

19.30 Claudio Trotta – No pasta no show – I miei 40 agns di musiche dal vîf in Italie

Claudio Trotta – No pasta no show  – introdus Andrea Ioime

Claudio Trotta, milanês, classe 1957, ’tal è un dai produtôrs e promoter indipendents di spetacui dal vîf plui stimâts e impuartants dal mont. Daspò cualchi an di esperience tes radio libaris dai agns Setante, tal 1979 al à fondât Barley Arts, che ’tal è inmò titolâr e anime. Di chê volte al à organizât plui di cuindis mîl events in Italie e tal mont e lavorât cun tancj artiscj, tra chei Bruce Springsteen, AC/DC, Kiss, Sting, David Bowie, Metallica, Frank Zappa, Elio e le Storie Tese, Renato Zero, Ligabue, Negramaro. Propit une rockstar, almancul cemût che a contin chei che a àn lavorât cun o par lui. Ancje se – al dîs cun scletece Trotta – no soi bon “nancje di ’sunâ il campanel”, e o vîf dispès “cu la sensazion di jessi un ticut ’sunât”. Une rockstar ’sui generis che, dopo cuarante agns di cariere, al à decidût di contâ la sô storie tal libri No pasta no show (riferiment clâr ae richieste fate di plui di un artist), une autobiografie che e je tal stes timp la conte di un toc di storie de sene musicâl taliane e internazionâl, contade di un pont di viste particolâr: daûr di un palc. E nol è un câs se al à sielt di clamâ il tour di presentazion tes librariis talianis Whole Trotta tour, ricuardant un toc famôs dai Led Zeppelin.

→ PLACE GARIBALDI

21.15 Carantan – Friûl

Il tiermin Carantan al intindeve i cinc centesims des vecjis liris che si dopravin tai prins dal Nûfcent, e di chê volte te culture popolâr furlane chest non al à simpri volût dî “robe di pôc va”, “tu valis mancul di un carantan”. Aromai di cuasi vincj agns i Carantan a cirin e a proponin il patrimoni musicâl furlan dal XVI secul fint ai timps plui resints, sconfinant ancje tal repertori tradizionâl dal Nord Italie e Istrie. Une evoluzion dal folk che no vûl dî dome divagâ te multietnicitât o te contaminazion facile, ma une ricercje armoniose di spazis e di ’sugjestions, testemoneât ancje dal gnûf disc, che al vignarà presentât propit a Folkest.
Formazion:
Glauco Toniutti – violin, pive, mandolin, sedons e vôs;
Andrea Barachino – ghitare classiche, acustiche, godine, vôs;
Stefano Durat – armonichis diatonichis, percussions;
Caterina Vidon – liron.

22.30 Alzamantes – Lombardie

I Alzamantes a son la folk-rock band rivelazion che e rapresente miôr la evoluzion dal panorame Balfolk talian. I bai popolârs talians e europeans proponûts intun format unic e inconfondibil, ’suns modernis e fuarts a insiorin un repertori etnomusicâl une vore ampli che al va des Pizichis Salentinis aes Gighis irlandesis. Un viaç che al passe, cuntun conciert energjic e impetuôs, pes tradizions musicâls e di bai par un spetacul dut di balâ. Il format ’tal è rock, il cûr ’tal è folk… ma di chêl vêr! A rivin a Folkest2018 come ospits d’onôr, dopo vê vint la edizion 2017 dal concors Suonare@Folkest midiant lis selezions dal concors Suonare@Folkest.
Formazion:
Dario Tornaghi – vôs e armoniche,
Maddalena Soler – vôs e violin,
Filippo Ferrari – vôs, ghitare eletriche;
Mirko Grilli: ghitare acustiche;
Angelo Merico: bas eletric;
Stefano Migliavacca: batarie e percussions.

→ PLACE DOMO

21.15 Franco Giordani – Friûl
Al scomence la sô cariere tes rock band Klautans, Top Secret, Lollipop e Bottle of Smoke. Tal 2004 al tache une lungje colaborazion artistiche cun Luigi Maieron e al partecipe ai spetacui Con il cielo e le selve, I Turcs tal Friûl e Tre uomini di parola cun Toni Capuozzo e Mauro Corona. Al è finalist al Festival de Cjançon Furlane tes edizions 2010, 2012, 2015 e tal 2016 al vinç cun Megan Stefanutti il Festival de Cjançon dal Friûl Vignesie Julie. Al colabore cun diviers artiscj, tra chei il cjantautôr furlan Lino Straulino e il grup emilian Mè Pek e Barba. Tal 2015 al ven fûr il so prin album Incuintretimp, finalist ae Targa Tenco 2015. Te Sierade dal 2017 al ven publicât Truòisparìs”, un concept album ’su la sô tiere di origjin, la Valceline.

22.00 Irdorath – Bielorussie
Vladimir and Nadezhda si cjatarin come puars students, cun tal cjâf la idee di creâ une musiche cence confins di gjenars, cun variis influencis, dulà che la idee de fantasy e fos il centri. E il prin nucli strumentâl a forin propit lis dôs pivis. Il grup si è ben planc slargjât fint te formazion atuâl che e ufrìs un spetacul che, dopo vê lassade la linie medievalist, vuê e smire a un stîl personâl une vore origjinâl e personâl.
Formazion:
Vladimir – pive, didgeridoo, difoniis vocâls;
Nadezhda – vôs, pive, gjironde, tastieris, flauts;
Anton –  struments a cuarde e percussions;
Varello – batarie, Pedro – struments a cuardis,
Yulia – violin.

Program Folkest a Spilimberc