Folkest a Spilimberc – Vinars ai 6 di Lui

Selezion final SUONARE@FOLKEST

Vinars ai 6 di Lui – Spilimberc
place Domo – 21.00

Alvise Nodale Friûl
Contrada Lorì Venit
Random Quartet Piemont
La Quadrillia Piemont
Giuditta Scorcelletti Toscane
Renanera Basilicade

e presente Rita Bragagnolo

→ PLACE DOMO

21.00 Alvise Nodale – Friûl

Zovin cjantautôr cjargnel al à regjistrât il so prin disc solist, Conte Flame, tal 2015. Al à scomençât a ’sunâ la ghitare di bessôl e ’tal è restât inmagât de musiche popolâr cognossint prime Lino Straulino e po Giulio Venier. Si svicine ancje al bouzouki e al colabore cun Massimo Silverio, scrivint cun lui cjançons a cuatri mans. Al è di pôc vignût fûr il so secont album che al à cjançons plui elaboradis di chês prime, scritis par furlan e par talian.

21.00 Contrada Lorì – Venit
Dut ’tal è scomençât tal 2012, cuant che Roberto Rizzini, za autôr, cjantautôr, musicoterapeute, al à metût dongje te sô cjase, tal borc di Avesa, cualchi amì, come lui apassionâts di mangjâ, di vin e di musiche, cul intindiment di fâ insiemi une musiche che e ves il stes savôr dal Valpolicella vêr: tradizionâl, locâl, stagjonâl, cence artificis. Il progjet si clamà Contrada Lorì par vie che al nassè intune piçule contrade ’su lis rivis dal Lorì, il torint di Avesa, dongje Verone. A àn publicât doi discs: “Doman l’è festa” dal 2013 e “Eviva il mar” dal 2015.
Formazion:
Roberto Nicolino – liron e vôs;
Paolo Marocchio – mandulin e vôs;
Massimo Florio – armoniche e vôs;
Federico De Vittor – tastiere, vibrandoneon e vôs;
Francesco Scardoni – vôs;
Andrea Trevisan – ghitare e vôs;
Ester Wegher – violin e vôs

21.00 Random Quartet – Piemont
Il Random Quartet al nas tal 2006 tal Conserv’atori G. Verdi di Turin; passât l’esam finâl e nas la necessitât di lâ indevant insiemi cuntun discors musicâl ancje fûr dal ambient academic. Ben planc e cjape forme la idee di un cuartet di arcs svincolât des regulis tradizionâls, dulà che a puedin convivi gjenars e guscj musicâi ancje une vore diferents tra di . Partint di chestis premessis si disvilupe une esperience musicâl a 360 grâts, ancje se cu lis fondis de tradizion classiche. Tal 2007 a scomencin i esperiments cun rangjaments di colonis sonoris, cjançons pop e tocs folk fint a rivâ ae musiche rock e metal, a testemoneâ la grande versatilitât di cheste formazion.
Formazion:
Giovanni Bertoglio – violin prin e coordenament;
Lucia Pulzone – violin secont;
Tancredi Celestre – viole;
Chiara Manueddu – violoncel.

21.00 La Quadrilla – Piemont
Musiche d’autôr dulà che si alternin ritmis insistents e atmosferis psichedelichis, creant situazions che a puartin a rifleti, a vosâ la proprie rabie, intun mont dulà che Mafie, incuinament e razisim a son parons. No dome cjançons di proteste o denuncie, ma una vere e proprie guerrilla culturâl metude dongje cuntun piç di sane ironie. Armonichis plantadis ’suntune buine base rock.
Formazion:
Nicola Lollino – vôs e fol;
Toni Urzì – ghitare armoniose;
Gianni Pitzalis – ritmis insistents;
Amedeo Saluzzo – cuardis gruessis.

21.00 Giuditta Scorcelletti – Tuscany
Dilunc dai studis universitaris si apassione ai cjants popolârs toscans e e publiche tal 2004 il so prin album Canti toscani, scomençant la ativitât di artiste di strade. Tal 2006 e ven fûr Antologia di Canti popolari toscani. Tal 2009 cu la etichete toscane Radicimusic e cul ghitarist pistoiês Alessandro Bongi, e coprodûs l’album Canta la cruia e tal 2010 Coscine di pollo. Tal 2015 il disc Nightingale, incidût e rangjât di Alessandro Bongi e produsût di Michael Hoppé, ’tal è candidât ai Grammy Awards te categorie Folk. Tal mês di Otubar dal 2017 e rive in finâl tal Premi “Andrea Parodi”, dulà che e vinç il premi pe interpretazion miôr.
Formazion:
Giuditta Scordelletti – vôs e ghitare;
Alessandro Bongi – ghitare acustiche e eletriche;
Ettore Bonafè – vibrafon e percussions.

21.00 Renanera – Basilicata

Cetant preseât in dute la Basilicade, il grup lucan al à fat une schirie di concierts in placis, club e events musicâi impuartants in dute Italie. Il spetacul che a proponin al cjape elements de tradizion in clâf world music. Lis sonoritâts etnichis e eletronichis a son misturadis, lis vôs si corin daûr tra lirichis contadinis e ritmis sostignûts: lis storiis, la culture e la anime dal Sud a son dutis dentri di un conciert che al è un mix di gjonde, soference e voie di stâ insiemi par balâ e cjantâ. Tal ultin disc a svantin colaborazions cetant preseadis, come chê di Vittorio De Scalzi.
Formazion:
Unaderosa – vôs;
Antonio Deodati – tastieris, côrs e vocoder;
Alberto Oriolo – violin, côrs e tammorra;
Giuseppe Viggiano – ghitare acustiche;
Pierpaolo Grezzi – percussions;
Eugenia Ucchino – bal.