Franco Presti e Taranterrae a Purcie - Folkest

Joibe 28 serade dute taliane a Vile Correr a Purcie cul ghitarist, compositôr, e rangjadôr sicilian Franco Presti, che al tache il so percors cu la ghitare acustiche par po meti dongje chê eletriche e la semiacustiche, svicinantsi a gjenars diviers, dal folk, al rock fint ae musiche jazz, e il grup etnic popolâr casertan Taranterrae, di cirche dodis elements che al propon un repertori leât ae tradizion dai cjants popolârs contadins cun vôs cun sonoritâts arcaichis, sioris di glissâts e di ambiguitâts modâls. Tra i stilemis che al presente il grup a son la Villanella, il bal ‘ncoppe’ ‘o tammurro, la Tarantella, la Fronna, la Moresca, la Ballarella.

[message_box title=”Franco Presti e Taranterrae” color=”yellow”]

Lûc dal conciert: Porcia, Villa Correr [come raggiungerci]
Se al vis di vigne brut timp, si faserà te barchessa est de vile
Zornade: Giovedì 28/06/2018
Artist: Franco Presti
Paîs: Italia
Artist: Taranterrae
Paîs: Italia
Inizi dal conciert: 21.15
Ientrade: a gratis
[/message_box]

PURCIE

Deliziose citadine che e à savût conservâ un nucli storic scuasi intîr, cun cualchi element di alt interès, di là di un patrimoni naturalistic invidiabil leât ae aghe. Numerôs in zone i insediaments preistorics des Etis dal Bronç e dal Fier, soredut Sante Rufine di Palse, dulà che di pôc al è stât cjatât un insediament paleovenit. Il cjistiel, documentât dal secul XI (il plui antîc di dut il Friûl), di in chê volte a vuê al è stât abitât cence interuzion de famee dai Purcie e Brugnere. In bande e je la parochiâl neogotiche di Sant Zorç cul singolâr cjampanili dal 1488, costruît par emulâ chel di Sant Marc a Vignesie, ma fermât a dome 44 metris. Inte imediade perifarie est, in localitât Rorai Piçul, e je la senografiche vile Correr-Dolfin (XVII secul), intun ambient di dut rivuart.