Humpty Duo – Mosaicantos – Dartigne

humptyduo-mosaicantos

Martars ai 3 di Lui aes 21.15 a Dartigne cuntun apontament dopli di bandis talianis. Si scomence cui Humpty Duo dulà che un cuintribàs e une ghitare acustiche si cjatin e a fevelin in maniere simpri gnove e eficace creant un jazz insolit e moderni. Il acoustic groove une vore particolâr (Luca dal Sacco ae ghitare e Matteo Mosolo al cuintribàs) si è za fat notâ in manifestazions impuartantis come Umbria Jazz, Udin&Jazz, Jazzit Fest: ’tal è a pene vignût fûr il gnûf disc, Synchronicities, dulà che a rivisitin lis musichis di Sting.
A sierin la serade i Mosaicantos, tercet metût sù di pôc cul spetacul Cancion Mujer, une dediche speciâl a dutis lis feminis. I tocs a vegnin de culture ispano americane, andaluse, iberiche, sefardite, taliane cun cualchi incursion di temis origjinâi.

[message_box title=”HUMPTY DUO E MOSAICANTOS” color=”yellow”]

Lûc dal conciert: Dartigne, Collina di San Martino [Cemût rivâ ca di nô]
Se al vis di vigne brut timp, si faserà te: Teatro Mons. Lavaroni – place Marnico
Zornade: 03/07/2018
Artist
: Humpty Duo
Paîs: Italie
Artista: Mosaicantos
Paîs: Italie
Inizi dal conciert: 21.15
Ientrade: a gratis
[/message_box]

 

DARTIGNE
Logade a man çampe de grande val dal Tiliment, tra lis clevis meridionâls dal Cuarnan e chês ocidentâls dal Faêt, Dartigne si disvilupe intune “figure a forme di cûr”, cemût che al à scrit Baldissera ai prins dal ‘900. Lis sôs origjins a son une vore antighis: abitade za in epoche preistoriche, e à vût insediaments comerciâi significatîfs sedi celtics che romans. No distant dal centri si pues visitâ il Parc dai Garofui, cun floriduris straordenariis in ogni stagjon. Passion e storie si fondin ancje inte tradizion enogastronomiche, in mût particolâr chê dal purcitâ, che si caraterize pe gjenuinitât e pal savôr “cence timp” dai siei prodots, celebrade ae fin di Novembar de tradizionâl Fieste dal Purcit organizade dilunc des viis dal paîs, coinvolzint dute la comunitât.