Al torne il concors “Premi Folkest – Alberto Cesa” a Cervasca, in provincie di Cuneo, di precîs inte frazion di Santa Croce, tacant des 8 sore sere.
Une selezion piemontese che e je in cualchi mût un at dovût, par vie che une part significative dal concors, dedicade aes gnovis composizions in stîl tradizionâl, e je intitulade propit al grant artist torinês Alberto Cesa. Il Piemont, cu lis sôs diviersis espressions culturâls, ’tal è stât une des scunis dal folk-revival in Italie, dant gnove fuarce e spirit aes musichis de tradizion popolâr e proponint un “so” model interpretatîf; cemût non ricuardâ Prinsi Raimund, Cantovivo, Ciapa Rusa, Tre Martelli, Lou Dalfin (per nomenâ dome chei che a son rivâts a deventâ une vore famôs intai agns ancje fûr de regjon).
Trê ’tal sarà i grups che si disfidaran vinars al 1 di Fevrâr aes 6.30 sore sere intal salon de sede de Pro Loco di Cevasca par determinâ cui che tra di al ’sunarà dal vîf al festival Folkest 2019 a Spilimberc, in Friûl, e al podarà concori ancje ae assegnazion di un Premi dal Nuovo Imaie di ben cuindismîl euro pe realizazion di une tournée, arrivarà a Cervacsa.
Al vierzarà il spetacul Gianluca Di Santo, cjantautôr nassût a Como intal 1987.
Al secont puest, in ordin di esibizion, i Sheegolah, un progjet che al nas de voie di proponi un repertori di musiche de tradizion dai paîs de aree celtiche (Irlande e Scozie, ma ancje Bretagne, Quebec, Galizie, Asturiis e Ingletiere). Il grup al è componût di: Massimo Losito (Zio) cu la fisarmoniche cromatiche, Simone Stefan (Pav) cun uilleann pipes, flaut traviers, whistles e Daniele Radaelli cu la ghitare, mandolin, ukulele e cajon.
A sierâ la serade e sarà clamade la formazion fate dome di feminis, lis Madamè, che a vegnin des vals di Cuneo e des Langhis, che a ’sunin un repertori formât di cjants di lavôr, di amôr, di emigrazion, di brigants, baladis plenis di passion, cuntune formazion componude di Erica Molineris ae vôs, Anna Chiapello ae fisarmoniche, percussions e vôs, Claudia Danni ae fisarmoniche, ghitare e vôs, Elena Chiaramello ae fisarmoniche e ae vôs.
E vâl la pene di ricuardâ cemût che l’obietîf dal concors e dal Premi Suonare a Folkest-Premio Alberto Cesa nol sedi dome la competizion fra artiscj ma ancje il fat di podê valutâ miôr, intun contest dal vîf, lis miôr propuestis intal panorame folk, world, autorâl e cjantautorâl talian che a puedin di dirit jessi metudis dentri intal program di Folkest.
Par informazions: info@folkest.com – www.folkest.com