E va indevant la cuarantesime edizion di Folkest che ancje chest an al tire dongje ’sui palcs de regjon artiscj di dut il mont intune caravane multico che si môf di comun in comun intun lâ indevant di tradizions musicâls che a vegnin de Magne Grecie ae Scozie, de Bielorussie ae Irlande, de Sicilie ae Svezie.

TAVERNA UMBERTO I
E propit la Sicilie e sarà la protagoniste de serade di martars ai 26 di Jugn cul grup “Taverna Umberto I” nassût par iniziative dai fradis Giuseppe e Gianfilippo Santangelo. Il non ’tal è un omaç a un locâl storic di Place Armerina, famose localitât de i’sule. Tal 2008 al ven fûr il prin album in studi dal grup, “Parole dal Sud”, cun tocs inedits e tescj autobiografics, fats di storiis vivudis e altris imagjinadis che a clamin cos e profums de tiere, la Sicilie, e cun chei la int, l’amôr, i ricuarts e lis emozions che ogni tant a tocjin il cûr di cui che ju scolte. No mancjin lis critichis aes problematichis de societât e aes dificoltâts di relazion tra gnûf e antîc. In ocasion de presince a Folkest al sarà presentât il gnûf album, “Passo dopo Passo”.

La formazion e je componude di Giuseppe Santangelo ae ghitare acustiche e vôs, Gianfilippo  Santangelo, tastieris e vôs, Marco Profeta al bas eletric, Francesco Camminati ae batarie e Eugenio Cattini ae ghitare eletriche.